MS-05B Zaku I [Ramba Ral's custom]


經過兩個月的長期抗戰,終於完成左這隻賴巴專用渣古∼.∼。開頭想砌呢隻渣古既原因只是因為我自從學砌模型以來,都無認真甘去砌過一隻MG模型,但後來因為我在假組的過程中,覺得呢隻渣古個胸好扁,條腰又粗,於是就把心一橫想幫佢隆胸整容,點知甘一搞就搞左成兩個月......


簡略製作過程

今次的渣古有我3個的"第一次",今次最大改造之處係第一次幫模型隆胸以及加厚左右hip位,目的是想令條腰望落去無甘粗(可是結果係個胸雖然豐滿左,不過個patpat好似變成"肥蘿"了=.=)。左右胸各向前隆大左約4 mm,hip位即加厚左5mm;因為在隆胸造型時成日整到左右胸大細不一,要一直修正到第5次才成功平衡到左右胸都係一樣size......





至於之前所說的第2及第3個"第一次",就是在背包鑽左5個類似奧運標誌的洞以及在火箭炮身上掃上帶有污漬既舊化,因為係第一次甘整,所以整唔出預期的效果=.= 不過以火箭炮的舊化而言,感覺上比我之前處理武器時的上色有不少進步,之前我唔係將d鎗整成灰色就係噴成黑/銀色..... (只能怪自己一向不重視武器的上色吧=.=) 而至於其他比較細微的修改我就不詳細講了,睇下大家發現到有咩唔同左吧。



上色方面,我近幾次的模型都是跟返原色設定,所以今次就搞搞新意思,將原設的深藍色改成紫藍色,而身體的淺藍色(其實有d偏綠)就跟返MG說明書中的溝色法。由於大部份既數碼相機對辨認紫色的能力都好差(已經同好多人測試過,唔信既網友可以自行搵各種紫色物件去影下),所以實物跟相還是有點出入.... Anyways,我還是比較喜歡紫色,感覺煥然一新呢 XDDDD



後記

其實今次的渣古可以整得更好,不過由於想帶這渣古出席RMS 10這個大盛會,於是有好多可以執得更好既地方都因時間關係而放棄左,算是一大缺點吧∼.∼|| 不過至少完成左我第一隻可以見得人既MG模型,我又可以砌返我既老本行SD了~~ 嘿嘿

















完成日期: 6/2004
Modeled by Kozue

You are the visitors